దాదాపు నాలుగు దశాబ్దాలుగా ఉన్న డిమాండ్‌ను నెరవేరుస్తూ మహారాష్ట్రలోని కొల్హాపూర్‌లో బాంబే హైకోర్టు ఐదో బెంచ్‌ను ఏర్పాటు చేయనున్నారు. ఈ నెల 18 నుంచి సర్క్యూట్ బెంచ్‌గా ఇది పనిచేయడం ప్రారంభిస్తుంది. ఈ నిర్ణయాన్ని రాష్ట్ర ప్రభుత్వం గెజిట్ నోటిఫికేషన్ ద్వారా ధ్రువీకరించింది.
ముఖ్యమంత్రి దేవేంద్ర ఫడ్నవీస్ ఈ ప్రకటన చేస్తూ కొల్హాపూర్‌లోని ఈ సర్క్యూట్ బెంచ్ కొల్హాపూర్, సతారా, సాంగ్లి, సోలాపూర్, రత్నగిరి, సింధుదుర్గ్ జిల్లాలకు న్యాయ సేవలను అందిస్తుందని తెలిపారు. ఈ కొత్త బెంచ్ ముంబైతో పాటు నాగ్‌పూర్, ఔరంగాబాద్, గోవాలోని ప్రస్తుత బెంచ్‌లతో చేరనుంది.
ఈ బెంచ్ ఏర్పాటుతో పశ్చిమ మహారాష్ట్ర నుంచి న్యాయపరమైన కేసుల కోసం ముంబైకి వెళ్లే కక్షిదారులపై భారం తగ్గుతుంది. భవిష్యత్తులో ఈ బెంచ్ శాశ్వత బెంచ్‌గా మారే అవకాశం ఉందని భావిస్తున్నారు. సుప్రీంకోర్టు ప్రధాన న్యాయమూర్తి బీఆర్ గవాయ్ కూడా ఈ బెంచ్ ఏర్పాటుకు గతంలో మద్దతు తెలిపారు.
Users Today : 13
Total Users : 779
Views Today : 28
Total views : 1625