ప్లాస్టిక్ కాలుష్యాన్ని ఇప్పటివరకు కేవలం పర్యావరణ సమస్యగానే చూస్తున్నాం. కానీ, ఇది మానవ ఆరోగ్యానికి పెను ముప్పుగా పరిణమించిన సంక్షోభమని ప్రఖ్యాత అంతర్జాతీయ వైద్య పత్రిక ‘ది లాన్సెట్’ సంచలన నివేదికను విడుదల చేసింది. ప్లాస్టిక్ నియంత్రణపై ఐక్యరాజ్యసమితి కీలక చర్చలకు సిద్ధమవుతున్న వేళ, ఈ సమస్యను ఆరోగ్య కోణంలో చూడాలని నిపుణులు గట్టిగా సూచిస్తున్నారు.
ప్రపంచవ్యాప్తంగా ప్లాస్టిక్ ఉత్పత్తి విపరీతంగా పెరిగిపోయింది. ఇదే ధోరణి కొనసాగితే 2019తో పోలిస్తే 2060 నాటికి ప్లాస్టిక్ ఉత్పత్తి దాదాపు మూడు రెట్లు పెరిగే ప్రమాదం ఉందని నివేదిక అంచనా వేసింది. ఇప్పటికే సుమారు ఎనిమిది బిలియన్ మెట్రిక్ టన్నుల ప్లాస్టిక్ వ్యర్థాలు భూమిని కలుషితం చేస్తున్నాయి. ప్లాస్టిక్ విచ్ఛిన్నం కాగా వెలువడే మైక్రోప్లాస్టిక్స్, నానోప్లాస్టిక్స్ సముద్రపు లోతుల నుంచి మానవ కణజాలం వరకు ప్రతిచోటా వ్యాపించాయని పరిశోధకులు గుర్తించారు.
Users Today : 3
Total Users : 814
Views Today : 3
Total views : 1662